Thonjtë e verdhë: Shkaqet dhe mënyrat për zbardhjen e shpejtë

Thonjtë janë një pjesë e rëndësishme e pamjes sonë dhe shpesh reflektojnë gjendjen e përgjithshme të shëndetit. Ndërsa thonjtë e shëndetshëm janë të lëmuar, të fortë dhe me ngjyrë rozë, zverdhja e tyre mund të jetë një sinjal për faktorë të jashtëm ose probleme shëndetësore.

Në vend që të mbuloni zverdhjen me manikyr, është e rëndësishme të kuptoni arsyet pas saj dhe të gjeni mënyrat e duhura për trajtim.

Shkaqet më të zakonshme të thonjve të verdhë

Zverdhja e thonjve mund të shkaktohet nga faktorë të ndryshëm, duke përfshirë stilin e jetesës, sëmundjet apo ekspozimin ndaj kimikateve. Disa nga shkaqet kryesore përfshijnë:

Pirja e duhanit – Nikotina mund të lërë njolla të verdha në thonj dhe lëkurën përreth tyre.
Përdorimi i shpeshtë i manikyrit – Pigmentet dhe formaldehidi në manikyr mund të shkaktojnë njolla të verdha ose të kuqërremta.
Infeksioni mykotik – Thonjtë e verdhë, të trashur dhe me erë të pakëndshme shpesh tregojnë një infeksion fungal, i cili kërkon trajtim të menjëhershëm.
Psoriasis – Një sëmundje autoimune që mund të ndikojë në ngjyrën dhe formën e thonjve.
Sëmundjet e mëlçisë dhe veshkave – Rritja e bilirubinës mund të çojë në zverdhje të thonjve.
Probleme me tiroiden – Funksioni i dobët i tiroides mund të shkaktojë thonj të thatë, të brishtë dhe të verdhë.
Diabeti – Thonjtë e verdhë me një nuancë blu në bazë mund të jenë një tregues i diabetit.
Mungesa e mineraleve – Hekuri dhe zinku janë thelbësorë për rritjen e shëndetshme të thonjve, dhe mungesa e tyre mund të çojë në zverdhje.

Thonjtë e Verdha tek Fëmijët dhe Të Rriturit

Ndërsa të rriturit shpesh përjetojnë zverdhjen e thonjve për shkak të manikyrit ose pirjes së duhanit, tek fëmijët dhe foshnjat mund të sinjalizojë probleme shëndetësore si infeksionet mykotike ose imunitet të dobësuar.

Te foshnjat, kontaktet me lagështinë ose këpucët jo të ajrosura mund të çojnë në zhvillimin e mykut, ndërsa higjiena e rregullt dhe përdorimi i këpucëve të përshtatshme mund të ndihmojnë në parandalimin e kësaj gjendjeje.

Si të zbardhim thonjtë në mënyrë natyrale?

Nëse shkaku i zverdhjes nuk lidhet me një problem mjekësor, mund të përdorni metoda natyrale për zbardhjen e thonjve në shtëpi:

Lëng limoni dhe ujë të ngrohtë – Zhytni thonjtë në një përzierje me lëng limoni, ujë të ngrohtë dhe pak sapun të lëngshëm për 5 minuta, më pas shpëlajini mirë.
Kripë dhe limon – Përziejini dhe fërkoni butësisht thonjtë me këtë përzierje për një efekt natyral zbardhues.
Pasta me sodë buke dhe peroksid hidrogjeni – Përzieni sodën me peroksid 3% dhe aplikojeni për 3 minuta para shpëlarjes.
Përdorimi i tretësirave për proteza dentare – Zhytni thonjtë në këtë tretësirë për disa minuta për të reduktuar njollat.
Stilolapsa zbardhues për thonjtë – Një alternativë praktike për fshehjen e zverdhjes.

Trajtimi për thonjtë e verdhë të këmbëve

Nëse zverdhja e thonjve të këmbëve shkaktohet nga infeksionet mykotike, përdorimi i kremrave antifungalë ose trajtimeve me recetë është i domosdoshëm. Për raste më të rënda, mund të kërkohet terapi e përshkruar nga mjeku.

Për foshnjat dhe fëmijët e vegjël, është e rëndësishme të përdoren produkte të buta dhe të përshtatura për moshën e tyre.